VOV4.M’nông: Ta rơh pah kan nar 26/4, Mpôl pah kan bah Bộ Y tế tă bah Bộ trưởng Nguyễn Thanh Long leo hăn hŏ geh rơh pah kan mpeh njrăng n'gang nuh srê Covid-19 n'hanh pah kan dak si ta ăp nhih dak si gưl trung ương ta nkual ƀon têh Cần Thơ, Bộ trưởng Nguyễn Thanh Long đă nhih dak si trung ương Cần Thơ kan nsum đah n'gâng kan ta ntŭk, Nhih nti đại học Y dược Cần Thơ, ngăch ƀư lôch jêh nhih dak si ntrơn hăn gưl trung ương ta Cần Thơ. Nhih dak si Đa khoa trung ương Cần Thơ dơi jao ƀư bôk tơm ntop kơl nuĭh kan, ndơ dŏng kan dak si, măy n'hôr n'hâm an nhih dak si ntrơn hăn. Nhih dak si dja ân lah nhih dak si hao săm n'glĕ dŭt, dơn săm ăp nuĭh ji COVID-19 hô, kơl dơn ăp nuĭh ji bah ăp n'gor tâm nkual. Bôk năp ƀư hvi 400 nsưng bĭch ji, yơn mbra hao âk tât rlău 800 nsưng bĭch ji lah geh nău đă./.

Nuĭh rblang: Điểu Thân