VOV4. M’nông: Kêng măng 14/4, Bộ trưởng Ngoại giao Bùi Thanh Sơn hŏ geh ăp rơh tâm nkoch bri pơk sŏng dăng đah Bộ trưởng Ngoại giao Australia Marise Payne, Bộ trưởng Ngoại giao Malaysia Hishammuddin Hussein, Bộ trưởng Ngoại giao Philippines Teodoro Locsin.  Ta ăp rơh tâm nkoch bri, ăp Bộ trưởng tâm ban ŭch tâm let năp tay mbra tâm boh kan nsum lhăt ntrŭt ntrôl tâm boh Việt Nam kalơ ăp ntil lăp tay tâm rnoh jru, geh nău tam, tâm nê rgum tâm ăp nkô̆ khlay: leo âk mpôl tâm khâl rnôk geh nău dơi uĕh, n'hao âk tơ̆ tâm mâp gưl têh n'hanh ăp gưl tĭng trong ƀư ngăch rplăch; an ƀư geh nău tam ăp nău way tâm boh n'hanh tâm ton bar ding; ntrŭt ntrôl n'hanh ƀư jru hvi lơn tâm boh rnă njrăng- njrăng n'gang neh dak; tâm kơl tay mpeh tuch tăm mât rong- tui ka tăch n'gluh, tăch rgâl- ntuh kơl n'hanh tâm boh ODA. Ăp Bộ trưởng tâm ban ŭch mbra tâm boh kan nsum tay lhăt ta ăp rnôk rgum nchră âk ding, tâm ban kơt ta ăp nkô̆ nău tâm nkual n'hanh dak bah dih ndrel uănh khlay./.

Nuĭh rblang: Điểu Thân