VOV4.M'nông: Ngoại trưởng Đức An-na-lê-na Be-bốc (Annalena Baerbock) nar 5/1 an gĭt păng mbra lah rjăp tay nău khlay bah trong tâm dâl nău đah Phương Tây đah Nga mpeh nkô̆ nău Ukraina tâm rơh rgum nchră đah nuĭh ndrel gưl kan Mỹ ta thủ đô Washington. Tâm du nău mbơh, ưa Be-bốc an gĭt Liên minh châu Âu - Mỹ n'hanh Nga dôl lăp tâm du rơh n'glêh an rnôk ăp rơh tâm nchră khlay ta âk gưl êng êng bơi ƀư. Tĭng nău nchrăp, rlău ma ăp rơh tâm nchră đah ăp kruanh Đức, Pháp, Nga, Ukraina tĭng nău way Normandy, Mỹ n'hanh Nga mbra ƀư ăp rơh tâm nchră rnă njrăng tâm nar 10/1 ta Geneva, tâm rnôk NATO mbra ƀư rơh hop đah ăp kruanh dâk bôk năp bah Nga tâm nar 12/1 tât./.

Nuĭh rblang: Điểu Thân