VOV4.Mnông – Bah jêh rơh rƀŭn tal 10 Quốc hội khóa 14 tât aƀaơ, Mpôl Kruanh Ủy ban Trung ương MTTQ Việt Nam tâm rgop đah Ủy ban Thường vụ Quốc hội lĕ rgum geh 2.278 nău rgop, dăn đă bah nuĭh ntoh măt n’hanh nuĭh ƀon lan lam dak njuăl rơh rƀŭn tal 11 Quốc hội khóa 14. Tĭng Kruanh Ủy ban Trung ương MTTQ Việt Nam Trần Thanh Mẫn, nuĭh ntoh măt n’hanh nuĭh ƀon lan nkoch tay nău rvê bah năp nu nău jêr jŏt bah srê Covid-19, ăp nău khuch bah srê tât nkra njêng-tăch rgâl n’hanh nău rêh nuĭh ƀon lan, ngăn lah ta ăp nkual srê; klach rvê bah năp nu nău nuĭh lăp mô tâm di sĭt Việt Nam n’hanh mbơh an dak si di ngăn ngên. Dăn đă Quốc hội, Chính phủ, ăp n’gâng kan, nău kan n’gor ƀư tĭng ăp trong mkra n’hanh ntrôl hun hao wăng sa, đăp mpăn nău rêh jêng tâm rnôk srê Covid-19 hôm e jêr jŏt; mkra du đêt nău hôm e tâm ntĭm nti, dak si, văn hóa-rêh jêng; mât uănh neh ntu n’hanh mât njrăng ntŭk ntô gŭ âm n’hanh ƀư tĭng săk rlău tay trong kan njrăng n’gang sa khâm, mpŭng lir.

          Nuĭh rblang: Y Sưng Phê Ja