VOV4.M’nông: Tâm nar bôk năp ƀư nau đăp mpăn hăn trong di rnôk lễ 30/4- 1/5, mât nau săch kan ntơh măt Quốc hội gưl XV ndrel ntơh măt HĐND ăp gưl năm kan 2021-2026, Cảnh sát mât gung trong lam dak hŏ uănh, saơ, mhal bơi tât 9000 nŭih toh nau hăn trong, mhal bơi tât 10 rmen prăk. Ngăn lah, rmôt kan saơ ndrel mhal rlau 600 nŭih ƀĭt ndeh ngêt ndrănh, 5 nŭih tih dŏng ma tuý. Tâm trong loih, ăp rmôt kan Cảnh sát mât trong ƀư nau uănh, gĭt mât nau kan đăp mpăn hăn trong tâm 3 trong, 5 bôk dneh treng rdeng năch, ƀư rjăp nau njrăng rdâng srê Covid-19. Tâm ôi 16/4m rmôt mêt uănh gung trong hŏ saơ 4 nŭih geh dŏng ma tuý ndrel tih ngêt ndrănh tâm nar ƀư nau uănh tâm trong cao tốc Hà Nội-Thái Nguyên. Tĭng nau ntrŭnh 100/2019/NĐ-CP bah Chính phủ ntrŭnh mpeh nau mhal prăk tâm nau kan trong hăn, trong loih, ƀĭt ndeh geh dŏng ma tuý, ăp nŭih mra geh mhal ntơm 3- tât 40 rkeh, sŏk kân săm ƀŭt ƀĭt ndeh ntơm 22-24 khay./.

Nŭih rblang: H’Thi