VOV.M'nông- Đah aƀaơ di 80 năm, lôch rnôk Việt Nam đăp mpăn, tâm rnôk 11h30 mnĭt nŭng nar 7/9/1945, pơk ƀoh nău ngơi lor bôk năp bah Radio nău ngơi Việt Nam n’gloh lam, ntơm njêng luh bah du Radio pơk ƀoh nău ngơi gưl neh dak. 80 năm hun hao ndrel neh dak, mbrô ƀoh Radio nău ngơi Việt Nam hŏ nkrum lam tât ăp ƀon lan Tây Nguyên. Mô dơn nđơn nkoch tay trong nchrăp, trong kơl bah Đảng n’hanh Ngih dak, ăp nău nchih nkoch bah Radio hôm jêng ntung njŏ, buăt nthoi văn hóa ta ăp ƀon lan, gay kônh wa dơi rƀah gĭt ăp rnoh khlay săk ntơr êng bah ƀon lan đŏng.