Tâm nău nchih geh nău ngơi “Tết Trung thu bâh ntơm tât kăl e lĕ geh jêng nău ueh mô dơi mô geh tâm nău rêh văn hóa bâh nuĭh Việt Nam. Aơ lah rơh gay ma ăp oh mon rhơn, gŭ rgum đah rnăk vâl n’hanh băl mpôl. Đảng, ngih dak n’hanh lĕ ntŭk rêh jêng way geh ntêm nău mât kơl dŭt na nê̆ an ăp oh mon kon se, way geh nta nău dơh nơih ueh ngăn gay ma ăp oh mon geh nti, tiăr nti, pâl rlưn đăp mpăn n’hanh hun hao lĕ rngôch. Wa ŭch ăp poh mon way geh mât nău gơih nti, mbleh mblôn, tâm rnglăp, tâm rŏng n’hanh tâm kơl ndrel gĭt blău , ndrel têh dăng, gay ma tâm rgop săk soan rdâk njêng neh dak Việt Nam ueh đăp mpăn bâh he ăp nar lơ ma têh ndrŏng, gĭt blău. Di rơh Tết Trung thu năm 2025, Wa njoăl tat lĕ ăp oh mon nău knơm nău tâm rŏng, nău ŭch mĭn. Rhơn tât ăp oh mon vơt du yan trung thu an ueh an khlay di, đăp mpăn, ueh răm ta rnăk vâl, nai nti n’hanh băl mpôl. Wa ŭch ăp oh mon mô geh nău lap tâm nău rêh, ăp oh mon ta nkual dak buk mbra nsrôih, mô plŏ ruch tâm nău rêh jêr jŏt, ăp mon an geh mât mbro nău mĭn ueh, mpoh ang nău rêh let năp tay an ueh reh, gay ma lôch tă mih phŭt sial nău rêh geh âk nău chrat ang n’hanh nău răm rhơn.