VOV4.Mnông – Ƀư jao an nău kan đah Tổng Bí thư Nguyễn Phú Trọng, tă ƀư kruanh dak n’hanh wa Nguyễn Xuân Phúc, Ủy viên Bộ chính trị, Kruanh dak mhe dơi ƀư ta Ntŭk kruanh dak. Uănh tay 2 năm n’gul tâm nău ƀư kruanh dak, tâm âk nău jêr jŏt, nău kan âk, Tổng Bí thư gĭt saơ lĕ geh âk nău nsrôih ƀư tĭng tŏng ăp, geh săk rnglăy ăp nău kan, nău dơi tĭng nău ntrŭnh bah Hiến pháp n’hanh pháp luật.

Tổng Bí thư Nguyễn Phú Trọng n’hanh Kruanh dak Nguyễn Xuân Phúc đah ăp đồng chí kruanh n’hanh tă ƀư Kraunh Đảng, Ngih dak râng ƀư jao an

Di rơh aơ, Tổng Bí thư lah uĕh Groi kruanh dak Đặng Ngọc Thịnh, lĕ lôch dŭt uĕh nău kan tâm ăp nău kan dơi jao. Tổng Bí thư nsing nơm lah, đah nuih n’hâm lĕ đah nău kan, đồng chí Kruanh dak Nguyễn Xuân Phúc n’hanh Groi kraunh dak Võ Thị Ánh Xuân mbra ngăch gĭt đah nău kan mhe, geh âk ntĭm rđau uĕh, săk rnglăy gay Văn phòng Kruanh dak mât uĕh tay nuih n’hâm tâm rnglăp, ndrel soan, ndrel nuih n’hâm, rgâl mhe, ndâk njêng Đảng bộ n’hanh ngih pah kan nâp dăng lĕ rngôch, lôch uĕh ăp nău kan dơi jao.

Nuĭh rblang: Y Sưng Phê Ja