VOV4.M’nông – Kêng măng 8/4, ƀư jao an nău kan bah Thủ tướng Chính phủ ƀư ta Ngih Chính phủ, đah Thủ tướng Phạm Minh Chính n’hanh Kruanh dak Nguyễn Xuân Phúc-Tă ƀư Thủ tướng n’hanh mbơh nău ntrŭnh săch tay 2 Groi Thủ tướng n’hanh du đêt Kruanh n’gâng kan, Nuĭh kan êng bah Chính phủ năm kan 2021-2026. Ntoh ngơi ta nar ƀư, Kruanh dak Nguyễn Xuân Phúc mbah rhơn Thủ tướng mhe Phạm Minh Chính, ăp Groi thủ tướng, Kruanh n’gâng kan, kruanh nău kan mhe dơi dơn nău ntrŭnh săch tay.

Kruanh dak Nguyễn Xuân Phúc n’hanh Thủ tướng Phạm Minh Chính an nkao ăp nuĭh kan Chính phủ năm kan 2016-2021

Nkre nkoch nău lah uĕh Bộ Chính trị, Ban Bí thư, Ban chấp hành Trung ương, Quốc hội, MTTQ Việt Nam, ăp ngih pah kan tâm trong chính trị n’hanh ăp rơh kơn nuĭh ƀon lan lĕ ntop kơl, kan ndrel, nta an n’hanh kơl gay chính phủ năm kan 2016-2021 lôch uĕh nău kan lĕ n’gluh an; ntô̆ n’hao yor lĕ nsrôih nsơr soan nơm, rhŏ an neh dak, rhŏ an ƀon lan, rgop tâm ăp nău geh bah Chính phủ 5 năm bah năp; ndơ̆ neh dak hao du njoăt khlay.

Nŭih rblang: Y Sưng Phê Ja