VOV4.Mnông – Ôi 29/3, nkah gĭt 46 năm Nar rklaih đăp mpăn ƀon tơm, nkual ƀon têh Đà Nẵng ƀư mbơh ăp Nghị định, nău ntrŭnh bah Chính phủ, Thủ tướng Chính phủ mpeh hun hao nkual ƀon têh Đà Nẵng. Nĕ lah, Nghị định mbơh ƀư Nghị quyết mrô 119 bah Quốc hội mpeh rlong ƀư ntrong kan n’gâng kan nkual ƀon têh; Nău ntrŭnh uănh an Đồ án dăp rgum nsum nkual ƀon têh; Nău ntrŭnh ntuh kơl Nău nchrăp ƀư ndâk nkra ndrâm dak lêng Liên Chiểu n’hanh nău ntrŭnh an ndâk ƀư Bôk nău rgop an tâm nchră Ntŭk prăk kaih nkual ƀon têh Đà nẵng.

Groi Thủ tướng Trịnh Đình Dũng an ăp Nghị định, Nău ntrŭnh bah Chính phủ, Thủ tướng Chính phủ mpeh hun hao Đà Nẵng

Ntoh ngơi ta nar mbơh, Groi thủ tướng Chính phủ Trịnh Đình Dũng mĭn lah, Nghị quyết 119 bah Quốc hội mpeh rlong ƀư ntrong kan n’gâng kan ƀon lan n’hanh du đêt trong ƀư, nău kơl êng hun hao nkual ƀon têh Đà Nẵng dŭt khlay. Aơ lah ăp nkô̆ nău pháp lý kơl ƀơn lan rgâl hao mpeh ndâk njêng rmôt kan n’gâng kan ƀon lan tâm di đah nău geh hun hao bah nkual ƀon têh Đà nẵng.

Nuĭh rblang: Y Sưng Phê Ja