VOV4.M’nông – Kêng măng 31/3, ta Ngih Quốc hội, N’gâng kan tư pháp tâm rgop đah Văn phòng Quốc hội ƀư rgŏ jă tâm rlong pơk sŏng dăng “Mĭn joi gĭt pháp luật mpeh săch đại biểu Quốc hội n’hanh đại biểu Hội đồng nhân dân. Lĕ rngôch nuĭh ƀon lan Việt Nam tâm n’hanh bah dih dak dơi râng dăn râng tâm rlong ta Cổng thông tin điện tử Quốc hội; Cổng thông tin điện tử N’gâng kan tư pháp; Trang thông tin điện tử bah Hội đồng săch Ngih dak; Trang thông tin điện tử mbơh rblang, ntĭm nti pháp luật; Trang thông tin điện tử bôk ntuh rup Quốc hội Việt Nam; Báo Điện tử Đại biểu nhân dân n’hanh Báo Pháp luật Việt Nam điện tử. Nkô̆ nău tâm rlong ăp nău ôp mpeh nău ntrŭnh bah Luật săch đại biểu Quốc hội n’hanh đại biểu Hội đồng nhân dân năm 2015; du đêt nău ntrŭnh bah Hiến pháp, Luật tổ chức Quốc hội, Luật tổ chức n’gâng kan ƀon lan mpeh săch đại biểu Quốc hội n’hanh đại biểu Hội đồng nhân dân. Rơh tâm rlong ƀư tâm 30 nar (bah kêng ôi nar 1/4/2021 tât n’gul măng nar 30/4/2021) đah giải ngoay lah 20 rkeh prăk n’hanh âk ndơ nkhôm êng.

Nuĭh rblang: Y Sưng Phê Ja