VOV4.M'nông: Campuchia mbra n'hao têh trong tât rƀŏng trong nkra ăp nkô̆ nău ntul rlong nsum tâm nkual rnôk dơn ƀư kruanh ASEAN tâm năm 2020. Aơ lah nău lah rjăp bah Quốc vụ khanh rnâng kan bộ Ngoại giao n'hanh tâm boh dak bah dih Campuchia wa Ouch Borith ta lễ nkah ndray 60 năm Trong leo ƀư mô tâm rgop mhe dơi rgum nchră ta thủ đô Belgrade bah Serbia. Wa Ouch Borith lah rjăp, Campuchia n'hao êng săk lah ngoăy tâm ăp ntŭk rgum an tĭng trong âk ding, đah nău Campuchia nchrăp đăng cai ƀư Tâm nchră Á-Âu tâl 13 (ASEM 13) tâm khay 11 tât n'hanh nchrăp dơn ƀư kruanh ASEAN tâm năm 2022. Campuchia mbra nsrôih n'hao dăng trong kan gay rƀŏng trong nkra geh nău tam ăp ntul rlong nsum tâm nkual. Campuchia mbra nsrôih đăp mpăn nău geh nsum na nê̆ đah ăp nuĭh ƀon lan tâm nkual./.

Nuĭh rblang: Điểu Thân