VOV4.M’nông: Wa Or Vandine, Kruanh n’gâng kan dak si nkre Kruanh Uỷ ban chuh n’gang vắc xin Covid-19 mbơh: Cán bộ nai dak si mra chuh vắc xin tâm ngih ân ăp nŭih mô dơi tât ntŭk chuh njrăng. Ntoh nau ta nar lôch bôk nau kan chuh n’gang bah n’gor Koh Kong lơ 15/9. Wa OrVandine mbơh nau, mro kơl tâm nchră ndrel bonh đă đah n’gâng kan ăp gưl bah n’gor, nkuăl ƀon têh ân geh rgum rnoh geh kơp chuh n’gang gay năl hôm dŭm âk nŭih ê geh chuh vắc xin Covid-19. Geh nŭih mô geh chuh yor n’hâm soan, yơn du đê̆ nŭih yor ngai, mô geh ndeh hăn…Đah ăp nŭih ngai ri đă cán bộ nai dak si tât chuh vắc xin Covid-19 tâm ngih bu./.

Nŭih rblang: H’Thi