VOV4.M’nông: Kêng măng 25/3, ta Ntŭk kan Chính phủ, Thủ tướng Chính phủ Nguyễn Xuân Phúc ƀư tơm nar tâm mâp lôch năm kan bah Chính phủ gưl 2016-2021. Ntoh nau ta nar mâp măt, Thủ tướng Nguyễn Xuân Phúc lah kloh, 5 năm rlau aơ lah năm kan geh âk nau ueh, lah ăp năm khay ân geh nkah ngăn đah êng săk Thủ tướng ndrel âk nŭih kan tâm Chính phủ. Chính phủ hŏ tâm ban nau, ndrel tâm kơl rlet âk nau ntul rlong. Ăp nŭih kan tâm Chính phủ hŏ pah kan lôch n’hâm gay ma kơl an neh dak, kơl an ƀon lan. Ntoh nau rhơn ngăn bah năp nau nsôih nsum ma mô geh du hê nŭih kan tâm Chính phủ lah mô nsôih nsum ty kơl an nau kan tâm 5 năm rlau aơ, Thủ tướng ryơk ăp nŭih kan tâm Chính phủ, ăp ntŭk kan kan bah Chính phủ ndrel kơl an Thủ tướng ƀư jêh nau kan bah Đảng, Ngih dak jao ân. Thủ tướng ŭch ăp nŭih kan tâm Chính phủ, bol ma tâm rơh tât tâm moh nau kan mô lah lĕ rlu ri lŏ ƀư ân nâp ueh nuih n’hâm cách mạng, rgop ân Đảng, ƀon lan, ân neh dak, rgop nau leo neh dak Việt Nam nâp nâl./.

Nŭih rblang: H’Thi