VOV4. M’nông: Nar 25/3, Groi Thủ tướng Trịnh Đình Dũng hŏ ký si ƀŭt n'glêh an trong nchrăp ntuh kơl ndrâm dak lêng Liên Chiểu, nkual ƀon têh Đà Nẵng- gâl ntung trong ndơ dŏng nsum. Aơ lah trong nchrăp rmôt A, ntuh kơl ngih dak đah lĕ rngôch tơm prăk nchrăp 3.426 rmen prăk, tă bah UBND nkual ƀon têh Đà Nẵng lah nhih pah kan tơm mât. Tĭng nău n'glêh an dja, Thủ tướng Chính phủ jao an UBND nkual ƀon têh Đà Nẵng dơn uănh năl di mpeh nkô̆, rnoh nchih rgum tâm si ƀŭt mbơh gŭ mĭn dơi ƀư; ƀư tơm njêng si ƀŭt mbơh gŭ mĭn geh nău dơi ƀư trong nchrăp kan, hao mbơh rblang dăn đă gưl geh nău dơi kan n'glêh an ntuh kơl trong nchrăp di nău way pháp luật; Ndrĭ lah lôch 3 năm nsrôih rdâk njêng trong nchrăp kan hao mbơh rblang gưl geh nău dơi kan, tât aƀaơ trong nchrăp ntuh kơl ndrâm dak lêng Liên Chiểu, nkual ƀon têh Đà Nẵng - gâl ntŭk ntô ndơ dŏng nsum dơi ŭch an ƀư./.  

Nuĭh rblang: Điểu Thân