VOV4.M’nông – Nar 19/12, Australia rơh bôk năp kơp dơn 3.880 nuĭh ntưp Covid-19 mhe tâm du nar, rnoh âk ngăn kơp bah ntoh srê tât aƀaơ, tâm nĕ geh âk nuĭh ntưp rgâl kaman Omicron. Chôt srê Covid-19 dôl ntưp rêng ngăch ta lĕ rngôch ăp bang n’hanh nkual neh bah dak Australia đah dĭng lĕ rnoh nuĭh ntưp ăp nar dôl ta rnoh âk ngăn bah rnôk ntoh tât aƀaơ. Yơn lah, Chính phủ Australia an lah, nău an tay ăp trong nchoeng n’gang lah mô khlay rnôk rnoh chuh ta lam dak aƀaơ geh rlău 90%. Tâm rnôk aơ, Groi Kruanh n’gâng kan dak si Australia Sonya Bennett mbơh nu nău srê mbra geh jêr jŏt tay n’hanh ntưp bah kaman Omicron ri bah kơi 2 nar rnoh nuĭh ntưp mhe mbra hao rlău 2 tơ̆.

Nuĭh rblang: Y Sưng Phê Ja