VOV4.M'nông: Mô kơt ăp ntil săk bah năp nê nơh bah kaman Sars CoV-2 rnôk ntưp âk ta bu kuâng n'hanh nuĭh ơm geh nău ji tâm săk, kaman njêng săk Delta nar lơn ma rgâl jêng ntưp âk ta kon se n'hanh nuĭh ngăch dăng lơn. Nhih pah kan dak si âk dak tâm pơh bah năp nơh hŏ mbơh njrăng lor rnoh ntưp âk ta kon se. Aơ lah du nău tât dŭt klach rvê rnôk kon se ta nâm 12 năm deh mô hŏ mpeh săk dơi an chuh n'gang. Tĭng nău mbơh dŭt mhe bah Học viện Nhi khoa Mỹ n'hanh Hiệp hội Nhih dak si Nhi đồng, ntơm bah 38 rbăn nuĭh bah kêng dŭt khay 7, rnoh nuĭh ntưp COVID-19 ta kon se hŏ hao 180 rbăn nuĭh pơh bah năp nơh. Nô nău dŭt klach rvê rnôk khay plơ̆ nti tay hŏ bơi tât n'hanh kon se mô hŏ dơi tât đah vaccine. Nô nău tâm ban kơt nê ta Pháp đŏng rnôk nhih dak si ta mpeh bah dâng dak dja uănh saơ ăp rnoh ntưp Covid-19 ta kon se ntơm bah 0 tât 19 năm deh ân lăp nhih dak si hao âk rđĭl đah 3 rơh tât ntưp bah năp nê nơh. Klach rvê lơn, lĕ rngôch kon se geh ntưp Covid-19 lah mô mpơl ji n'hanh kaman njêng săk Delta mbra njêng luh ăp nău mpơl ji ta kon se âk lơn rđĭl đah ntơm nơh./.

Nuĭh rblang: Điểu Thân