VOV4.Mnông- Bar nar dŭt pơh ba năp, Philipines kơp dơn rnoh nuĭh ntưp Covid-19 dŭt âk ê hŏ tă geh kơp bâh ntơm geh nuh srê. Tĭng kruanh n’gâng kan dak si Philipines, nar 9/1 lah nar tal 2 mbro Philipines uănh năl nău geh ntưp dŭt âk ngăn đah srê Covid-19 bâh ngih dak hao tât rlău 2,9 rkeh nuĭh. Ta lam dak, rnoh nsưng bĭch an nuĭh ji Covid-19 hôm nha ta rnoh đăp mpăn yơn hao âk. Ta nkual ƀon têh Manila, rnoh dŏng nsưng bich ta ăp ngih dak si lĕ geh rlău 50%, n’hanh nsưng gŭ săm nuĭh Covid-19 ta rnoh 65%. Nău dŭt nkah, ăp nuĭh ntưp Covid-19 ta Philipines ntưp tay tâm 3 pơh ba năp lôch rnôk rgâl săk Omicron lăp ta ngih dak aơ. Nkual ƀon têh Manila, ntŭk dôl geh rnoh ntưp hao ndal mpeh rnoh nuĭh ntưp Covid-19, lĕ tâm rnoh mbơh njrăng mbrô 3.

Nuĭh rblang: Thị Đoắt