VOV4.Mnông – Đặc phái viên mpeh trôk nar bah Mỹ John Kerry lĕ tât Thượng Hải (Trung Quốc) nar 15/4 n’hanh mâp nuĭh tâm ban gưl kan Trung Quốc Giải Chấn Hoa. Aơ lah rơh hăn khâl bôk năp bah du kruanh n’gâng kan Tổng thống Mỹ Joe Biden tât Trung Quốc gay ntrôl kan ndrel tâm nău ntŭk ntô gŭ âm. Nchrăp ta Thượng Hải, wa Kerry mbra tâm nchră đah ăp kruanh Trung Quốc mpeh ăp nău ntl rlong ntŭk ntô kơt rƀŭn nchră mpeh trôk nar yor LHQ ƀư tơm ta Glasgow (Anh) ta dŭt năm aơ. Rơh khâl geh tâm rnôk Tổng thống Mỹ Biden lĕ geh ăp trong hăn rlơ̆ nău kơl mpeh trôk nar bah nuĭh mô săch wa Donald Trump, tĭng lĕ wa Bid4en lĕ ndơ̆ Mỹ râng tay Hiệp định Paris mpeh rgâl trôk nar n’hanh ƀư tơm du rƀŭn nchră pơk sŏng dăng mpeh trôk nar đah ăp nuĭh kruanh lam ntŭr neh tâm pơh tât, đah nău ŭch jêng tât ăp tâm ton têh lơn đah trôk nar.

Nuĭh rblang: Y Sưng Phê Ja