VOV4. M’nông: Nar ntri (31/03), ta tổng cục Di trú ( Bộ Nội vụ), thủ đô Phnôm Pênh, hŏ ƀư lễ pă an ndơ dŏng kan dak si bah Đại sứ quán Việt Nam ta Campuchia kơl ƀon lan Campuchia njrăng, n'gang nuh srê ji trong n'hôr n'hâm ndal COVID-19. Lah ta rơh lễ, Công sứ Lại Xuân Chiến lah rjăp nuh srê COVID-19 dôl tât krit nji lam ntŭr neh, lơh jêng khuch tât Việt Nam n'hanh Campuchia. Yor kơt nê̆, Đại sứ quán Việt Nam pă an 10.000 bok put mbung tât Tổng cục Di trú Campuchia. Nklâm ndơ dja lah nuih n'hâm bah Đại sứ quán lah êng n'hanh ƀon lan Việt Nam lah nsum đah nău ŭch rŏng kơl ƀon lan Campuchia rlău dơi jêr jŏt, lơh dơi nuh srê COVID-19, nkre rgop rdâk uĕh tay, bun dăp lơn đŏng tâm rnglăp, tâm boh uĕh lăng đah ƀon lan bar dak./.

Nuĭh rblang: Điểu Thân