VOV4. M’nông: Ôi 15/4, Ƀan rđău đă Rgop âk n'gâng kan mpeh mât đăp mpăn kloh uĕh ndơ ngêt sa n'gor Dak Lak ƀư Tâm nchră an khay kan yor mât đăp mpăn kloh uĕh ndơ ngêt sa năm 2021 ƀư ntơm bah nar 15/4 tât nar 15/5/2021 đah nkô̆ "mât đăp mpăn kloh uĕh ndơ ngêt sa, njrăng n'gang khêh ndơ ngêt sa tâm nô nău mhe".

Nău ŭch bah khay kan lah n'hao dăng pah kan nkoch trêng di, năn ngăch, lam lĕ rngôch, dơn jăp mpeh mât đăp mpăn kloh uĕh ndơ ngêt sa gay n'hao prêh nău dơn kan bah ăp mpôl, ăp nuĭh, ăp doanh nghiệp tâm trong dŏng ƀư pháp luật mpeh mât đăp mpăn kloh uĕh ndơ ngêt sa; ntrôl dăng pah kan hăn rsong uănh, treng nđôi mpeh mât đăp mpăn kloh uĕh ndơ ngêt sa ta ăp ntŭk ƀư njêng tăch rgâl gay bah ir khêh ndơ ngêt sa. Nău an ƀư khay kan yor mât đăp mpăn kloh uĕh ndơ ngêt sa mbra kơl Dak Lak n'hao nău gĭt êng, nău dơn kan bah ăp gưl, ăp n'gâng kan, ăp mpôl kan ƀư njêng, tăch rgâl ndơ ngêt sa, lơi ir geh ndơ ngêt sa djơh tăch luh bah dih./.

Nuĭh rblang: Điểu Thân