VOV4.M’nông: Lơ 16/4, Uỷ ban MTTQ Việt Nam n’gor Dak Lak ƀư nchră tal 3, mbơh nau tă geh nau sŏk nau rgop bah ƀon lan ndrel nau rnơm bah cử tri tâm ntŭk gŭ, tâm ban rnoh moh săk đah ăp nŭih tŏng ăp nau dơi ntơh măt Quốc hội gưl XV, ndrel ăp nŭih ntơh măt HĐND n’gor, năm kan 2021-2026. Tâm nau ta ưgeh bah ăp nau ntrŭnh, bah nau tâm nchră, ta rơh tâm nchră tal 3, ăp ntơh măt hŏ yơr ti ân tâm ban đah rnoh moh săk bah 11 nŭih ân geh râng ngăn tâm nau ân geh săch jêng nŭih kan ntơh măt Quốc hội gưl XV.

Rơh tâm nchră kŏ tâm ban nau đah rnoh 125 nŭih geh tŏng nau dơi lăp kan tâm HĐND n’gor, năm kan 2021-2026 pă tât 20 rmôt săch kan gay ma săch luh 75 nŭih. Jêh tâm nchră rơh 2, Uỷ ban săch kan n’gor Dak Lak mra lŏ ntơm ăp nhoat gay ăp nŭih geh ƀư nau bonh đă tâm rnôk ân geh săch, mbơh đah cử tri mpeh nau nchrăp bôk nau kan bah nơm./.

Nŭih rblang: H’Thi