VOV4.M’nông: Di nkah 90 năm Nar ndâk Đoàn druh ndăm Cộng sản Hồ Chí Minh, lơ 24/3, Đoàn n’gor Dak Lak ndrel Dak Nông ƀư Bôk nau kan tâm mâp măt ăp cán bộ đoàn bah ăp rơh kan. Ta nar mâp măt, ăp ntoh măt ndrel nkah tay nau vay ueh ơm bah Đoàn druh ndăm Cộng sản Hồ Chí Minh ndrel tâm n’ur nkoch mbơh ăp nau tă blau kan, nau kan ueh gay ma leo nau kan Đoàn ndrel nau kan druh ndăm, kon se geh dơi nau ueh. Ăp năm êp aơ, Đoàn druh ndăm Cộng sản Hồ Chí Minh n’gor Dak Lak mro lah rmôt kan blau bah lam dak, leo lor nau kan Đoàn ndrel nau kan druh ndăm rgum Tây Nguyên.

Rơh aơ, ndơn nau đă bah Trung ương Đoàn druh ndăm Cộng sản Hồ Chí Minh, Rnâng kan Đoàn n’gor Dak Nông ƀư nau mbơh nau ntrŭnh đah cán bộ đah ăp nau ƀư Groi Bí thư Đoàn n’gor gưl III, năm kan 2017-2022. Tĭng nê, nô Trương Văn Bình, Kruanh Rnâng kan nau kan Đoàn n’gor, Groi Kruanh rmôt druh ndăm n’gor, yuh H’Hồng, Bí thư đoàn nkuăl Dak Glong geh săch ƀư Groi Bí thư đoàn n’gor Dak Nông năm kan 2017-2022./.

Nŭih rblang: H’Thi