VOV4.M’nông: Kơt Radio Việt Nam mbơh nau, jêh 12 năm kâp, nŭih ƀon lah tâm nglau dak Krông Pách Thựơng ntơm ntrơn tât ntŭk gŭ mhe. Ăp gưl n’gâng kan dôl rgum đăp mpăn nau rêh ân ƀon lan. Tĭng nau nchrăp, rlau 700 rkeh đah bơi tât 4000 nŭih tâm 3 thôn, 9, 10 ndrel 11 xã Cư San, nkuăl Mdrak mra ntrơn tât ntŭk gŭ mrô 1 tâm xã Cư Êlang ndrel ntŭk gŭ mrô 2 bah tâm Cư Bông, nkuăl Ea Kar gay kơl an nau nkra trong hoch 4.400 rmen Krông Pách Thựơng.

Ntŭk gŭ mhe geh neh lâng ueh, đăp mpăn nau rêh.

Xã Cư Êlang rgum kơl ƀon lan đăp mpăn nau rêh.

Tât rnôk aơ, đah nau bonh đă bah ăp gưl n’gâng kan tâm nkuăl ndrel nau ngăn lah ăp rnăk ntrơn ntŭk gŭ geh nau đăp mpăn lơn rđil ntŭk ơm, rnoh rnăk dăn gŭ ntrơn hŏ hao bơi tât 200 rnăk. UBND nkuăl Mdrak mbơh, nkuăl dôl rgum nŭih, nkre kơl ntrơn, nkre bonh đă gay njêng nau tâm ban, sôih ơm jêh nau kan ndâk ntŭk gŭ ntrơn mhe tâm nglau dak Krông Pách Thựơng./.

Nŭih rblang: H’Thi