VOV4. M’nông: N’gor Dak Lak dôl tâm n’gul khay wai, âk neh tăm bri ta Dak Lak geh ma nău ŭnh sa bri âk. Gay rdâng lơh, ăp nuĭh tơm bri n’hanh n’gâng kan dơi kan ta n’gor dôl nsrôih an ƀư ăp trong nkra bah.

Tĭng wa Mai Văn Kiện – Groi chi cục Trưởng Chi cục Kiểm Lâm n’gor Dak Lak, lam n’gor geh nklăp 200.000 ha bri tâm rnoh bơi 500.000ha bri tâm nô nău mbơh njrăng lor ŭnh sa gưl 4 mô lah jêng tât rnoh gưl 5. Duh phang hô dơi nchroh ntoch jong tât khay 5, geh ma nău ŭnh sa bri mbra hôm âk lơn đŏng. Chi cục kiểm lâm Dak Lak hŏ nsŏng kơl an UBND n’gor trong nchrăp njrăng, n’gang ŭnh sa bri. Rđău đă ăp nhih pah kan n’hanh nuĭh tơm bri nchih mbơh gĭt ntŭk geh ma nău ŭnh sa hô ta ăp  nkuâl kơt: Buôn Đôn, Ea Súp n’hanh Ea H’leo đah rnoh hvi nklăp 195.000 ha gay rgum an ƀư ăp trong nking nchăng geh ma nău ŭnh sa bri./.

Nuĭh rblang: Điểu Thân