VOV4.Mnông – Ta Dak Lak, tâm trôm ăp nău ƀư mbah rhơn rơh săch Đại biểu Quốc hội khóa 15 n’hanh HĐND ăp gưl năm kan 2021-2026, Bảo tàng Dak Lak mhe ƀư mpla nsơ đah nkô̆ nău “Nar rgum bri dak”. Mpla nsơ geh 3 nkô̆ nău khlay: Wa hồ đah Quốc hội; Nău n’glơi uĕh an Quốc hội Việt Nam; Ăp nău ƀư ntoh lư bah Mpôl đại biểu Quốc hội n’hanh HĐND ăp gưl n’gor Dak Lak.

Đại biểu uănh ntŭk mpla nsơ

Nklăp 130 păng rup dơi nkoch, mpla nsơ rgop ƀư uĕh ăp nău dơi geh bah Quốc hội n’hanh HĐND ăp gưl lah nsum; nău kan bah Mpôl đại biểu Quốc hội n’hanh HĐND ăp gưl n’gor Dak Lak lah êng bah ăp rơh; mĭn lah nău ndơn, mât uĕh nuih n’hâm rgâl mhe bah Quốc hội tâm nău ƀư ndâk njêng, groi nđôi n’hanh ntrŭnh ăp nău khlay bah neh dak; nău ƀư tĭng lĕ nău kan ngih pah kan têh bah Ngih dak tâm nău ƀư rgâl trong hăn, nău ntrŭnh bah Đảng jêng nău kơl, pháp luật bah neh dak.

Nuĭh rblang: Y Sưng Phê Ja