VOV4. M’nông: Tĭng ƀư nău rđău đă bah Bộ Công an mpeh pă an n’hanh mât dŏng thẻ Căn cước công dân (CCCD), Công an N’gor Dak Lak dôl nsrôih, rgum n’hao âk mpôl kan, n’hao âk mông kan rnoh ngăch kan tât 19 mông/nar gay dơn si ƀŭt nchih mbơh pă an thẻ Căn cước công dân ntrŭp chíp điện tử an nuĭh ƀon lan đăp mpăn săk geh n’hanh di rnoh trong nchrăp ndơ̆ luh.

Ntŭk rgum rhŏ dŏng kan nsum n’gor Dak Lak lah 1 tâm 18 ntŭk ƀư pă an thẻ Căn cước công dân ntrŭp chíp điện tử lam n’gor. Đah 3 rmôt pah kan, tâm pă jêng 3 tơ̆ tâm pleh kan: ôi- kêng măng- măng ntơm bah 7h ôi tât 10h măng, ăp nar dơn geh nklăp 600 hồ sơ bah nuĭh ƀon lan tât ƀư thẻ Căn cước công dân. Mông pah kan hao tât 15h/nar rgâl yor 8h/nar kơt ntơm nơh n’hanh hŏ nta trong dơh an nuĭh ƀon lan tât nchih mbơh pă an thẻ. Tât rnôk dja, Công an n’gor hŏ dơn geh 70.000 hồ sơ njuăl sĭt Bộ Công an rmal pă an rgâl. Tĭng trong nchrăp tât nar 30/6 Công an Dak Lak ƀư lôch jêh bơi 1,2 rkeh thẻ Căn cước công dân (tĭng rnoh ŭch tât geh dŭt đêt 70% ma Bộ đă)./.

Nuĭh rblang: Điểu Thân