VOV4.M’nông: “Hệ sinh thái khởi nghiệp” lah du nău kuăl gay ncho\ng du mpôl lah ăp tơm nu^h, ăp mpôl kan n’hanh ăp nhih pah kan geh tât, nta trong dơh ntru\t ntrôl jêng ăp doanh nghiệp ntơm njêng nău kan blău [ư mhe n’hanh hun hao ngăch. Ta Dak Lak, lôch 2 năm ntrôl dăng ăp nău kan ntop kơl, n’hao têh, tơm kơl njêng nău kan ta n’gor ho\ hao gưl 2- mpôl kơl tơm. T^ng ăp nu^h rnâng kan mpeh ntơm njêng nău kan, aơ lah rnôk n’gor ân dơi [ư d^l ăp bôk nău kan hun hao t^ng rnoh jru, ntơm bah nê kơl an tơm rêh ns^t tay nău tam, wa\ch rgum âk nu^h, doanh nghiệp nănh ntơm njêng nău kan.

            Lôch 4 năm ntơm njêng nău kan, yuh Phạm Thị Thu Hằng ta xã Ea Kly, nkuâl Krông Păk, n’gor Dak Lak ho\ njêng luh ndơ geh [ư dak si nkrơ\ geh moh Pơ Lang, r[o\ng tât ăp ndơ geh [ư kloh ue\h đah ntu\k gu\ rêh. Yuh Hằng nkoch, ơm lah nai nt^m, mô geh nău g^t âk mpeh tăch rgâl yơn u\ch ro\ng joi luh du trong r[o\ng hăn ue\h lơn an ăp ntil ndơ geh [ư tuch tăm, dak si jêng yuh ho\ m^n joi nkret njêng êng ăp ndơ bah play bơ, play gấc. Lôch ăp tơ\ [ư mô jêng, mô ntlơi n’gul wah, yuh Hằng m^n lah do\ng play bơ, dak ngi bơ, dak ngi play gấc [ư dak si nkrơ\. Lôch âk tơ\ dơi n’gor mbơh nkoch, ntop kơl râng ăp bôk nău kan, ntop kơl ntru\t ntrôl ngăch tăch rgâl, yuh Hằng geh rnôk mâp n’hanh [ư lôch jêh ndơ geh [ư dak si nkrơ\ [ư bah play bơ, gấc ue\h tam lơn. Phạm Thị Thu Hằng nkoch:

            “Lôch ăp bôk nău kan nê nău m^n gâp rgâl du\t âk. Nt^t kơt bôk năp he dơn nchrăp r[o\ng du ntil ndơ geh [ư dơm, lôch râng ăp bôk nău kan nê, dơn geh nău rgop bah ăp nu^h geh rnâng kan, ăp nău rgop bah khân păng du\t geh nău di kơl gâp rgâl blău lơn gay njêng luh ăp ndơ geh [ư âk ntil lơn ntơm bah nê n’hao ns^t rnoh geh wa\ng sa âk lơn. Mô dơn nê n’gor hôm pơk dơi ăp jrô nti, jă dơi ăp nai nt^m du\t geh nău blău, geh ăp nău kơt nti mpeh tăch ndơ, nău kơt nti mpeh kon nu^h, nău kơt nti mpeh nu^h kan, mpeh trong leo [ư tăch rgâl. Ntơm bah nê mbrơi mbrơi gâp rgum dơi ăp nău g^t blău do\ng tâm doanh nghiệp bah he.

            Hôm đah yuh Hoàng Thị Mỹ Tuyến, ta xã Hoà Thuận, nkual [on têh Buôn Ma Thuột, n’gor Dak Lak, lôch ăp jêr jo\t mpeh tơm prăk, trong r[o\ng nău m^n n’hanh njêng âk ndơ geh [ư, yuh ho\ dơn geh ndơ ntop kơl bah bôk nău kan ntơm njêng nău kan tă bah n’gor [ư. Ntơm bah nê, yuh Tuyến mbrơi mbrơi joi saơ trong r[o\ng hăn, ntơm njêng nău kan đah nău ntơ VietArt, mban si ndo\k gay ma [ư jêng ndah rup ue\h măt uănh, kơt do\ng âk tâm nău mât njrăng kloh ue\h ntu\k gu\ rêh. A[aơ, ăp ndơ geh [ư bah VietArt geh rnoh khlay ntơm bah 8 rbăn tât 70 rbăn prăk, rnoh geh tăch đăp mpăn ta âk ntu\k tâm n’hanh bah dih dak, VietArt dôl nta joi nău kan an 5 druh ndăm quet nte đah rnoh prăk khay r^ng ntơm bah 4 tât 7 rkeh prăk/khay. Yuh Hoàng Thị Mỹ Tuyến an g^t, nău ntop kơl nt^m nti bah ăp  nu^h tâm mpôl nso\ng trong kơl ntơm njêng nău kan bah n’gor ho\ kơl yuh r[o\ng saơ kloh trong hăn tâm rnôk ntơm njêng nău kan bah săk nơm.

            “Lôch jo\ nar ntơm njêng nău kan ri tâm ban kơt âk băl ntơm njêng nău kan êng [a [a\ đo\ng ri săk gâp nơm mâp âk jêr jo\t mpeh tơm prăk. Yor mpôl hên ân gu\ m^n mpeh ndơ geh [ư n’hanh njêng luh âk ndơ geh [ư. Rnôk [ư si ri ân kơi rvăt năp âk máy móc. Mpôl hên dơn geh âk ndơ ntop kơl bah ăp yuh nô ta mir yơng ntil doanh nghiệp n’hanh ăp bôk nău kan ntru\t ntrôl ngăch, ntop kơl bah n’gor gay kơl mpôl hên du\t âk tâm rnôk ntơm njêng nău kan.

            Gay ntop kơl ntơm njêng nău kan ta n’gor, ntơm bah năm 2018, Dak Lak ho\ njêng  mpôl nkrum kơl ntơm njêng nău kan rgâl mhe. Tâm 2 năm rlău aơ, n’gor ho\ n’glăp do\ng ntu\k pah kan nsum mpeh ntơm njêng nău kan, [ư geh nău dơi rơh tâm rlong ntơm njêng nău kan tăch rgâl lor bôk năp năm 2018, Nar rgum ntơm njêng nău kan bôk năp năm 2019, Njêng prăk nkrem ntuh kơl ntơm njêng nău kan n’hanh [ư ăp nău kan nkoch trêng, rêng nti nău nđơr mpeh ntơm njêng nău kan. {ư âk nău kan buăt nthoi tâm rsong tăch rgâl, ntru\t ntrôl ngăch tăch rgâl kơl ndơ geh [ư bah doanh nghiệp dôl tâm rnôk ntơm njêng nău kan tăch rgâl dơi nkoch n’hơ tât nu^h do\ng tâm n’hanh bah dih dak.

            Lah nhih pah kan kí ton tâm boh đah UBND n’gor Dak Lak ntơm bah ăp năm bôk năp rdâk njêng nkrum kơl ntơm njêng nău kan, wa Phạm Duy Hiếu Groi kruanh Prăk nkrem ntơm njêng nău kan doanh nghiệp khoa học n’hanh công nghệ Việt Nam (SVF) uănh năl, tâm bah ri aơ nơh, Dak Lak ho\ [ư jăp pah kan yơng njêng ntil, ntop kơl tâm ban kơt trêng nău nđơr, ring tam nău ntơm njêng nău kan tâm nsum mpôl. Nơm kơt nê, ta gưl ntơm njêng, tât a[aơ mpôl nkrum kơl ntơm njêng nău kan ta Dak Lak ho\ n’hao jêng gưl bar, mpôl nkrum kơl tơm.

            Aơ lah rnôk ân n’glăp bôk nău kan d^l hun hao t^ng trong jru, n’hao nău dơi kan bah ăp mir yơng ntil, ăp ntu\k rgum yơng ntil, ăp nu^h ntuh kơl tam, ăp tơm prăk nkrem ntuh kơl mô klach roh ân geh nău tât râng mpôl nkrum kơl năn ngăch. Rnôk n’hao dơi nău kan bah ăp mpôl rgop nkrum kơl kơt nê ri mbra kơl mpôl nkrum kơl dang kao kơn play n’hanh lăp tâm rơh prêh lơn. Dak Lak geh du nău dơh nê lah dơn geh nău uănh khlay bah kruanh rđău kan gưl n’gor, khân păng lah dak tơm leo lor bôk năp gay ntru\t ntrôl nău kan rgâl mhe rêng lam ăp ntu\k. Nău ma he dơi [ư ue\h lơn nê lah tâm rgop kan bah ăp n’gâng kan. Ăp n’gâng kan ân geh tâm dâl kan ngăn tât du ntil ndơ nê nơh bah nău kan ntơm njêng nău kan n’hanh khân păng ân tâm dâl nsum gay [ư ăp bôk nău kan nsum.

            A[aơ, bol dôl geh tât khuch bah nuh srê Covid-19, n’gor Dak Lak hôm nsrôih an [ư ăp nău kan ntơm njêng nău kan đo\ng kơt [ư rơh tâm rlong ntơm njêng nău kan, ntơm njêng tăch rgâl n’gor Dak Lak tâl 2 năm 2020; [ư ăp jrô nti pơk so\ng dăng bah ngai kơi năp nti n’hao nău dơi kan an cán bộ kan tâm nău ntơm njêng nău kan n’hanh nău blău mât nău kan tăch rgâl an ăp doanh nghiệp ntơm njêng nău kan. Aơ lah nău nsrôih bah n’gor tâm nău n’hao têh hvi tay mpôl nkrum kơl ntơm njêng nău kan đah nău u\ch tât năm 2025, n’gor mbra geh nklăp 20 rbăn doanh nghiệp, tâm nê geh nklăp 2 rbăn doanh nghiệp rgâl mhe. Aơ mbra lah ăp tơm ndơ ntru\t ntrôl nsum mpôl doanh nghiệp bah n’gor hun hao gay rgop ntru\t ntrôl hun hao wa\ng sa rêh jêng kon nu^h ta n’gor./.

Nu^h rblang: Điểu Thân