VOV4.M’nông: Lŏ tâm ăp nhoat ntrŭnh nau kan săch kan ntơh măt Quốc hội gưl XV ndrel ntơh măt HĐND ăp gưl năm kan 2021-2026, Rnâng kan Uỷ ban MTTQ Việt Nam n’gor Dak Lak ƀư nau kan uănh nau săch kan bah du đê̆ nkuăl bah n’gor. Bah nau năl, ăp nkuăl hŏ ƀư tâm di nau kan, nau ntrŭnh, đăp mpăn nau nchrăp luh. Ntơm lơ 8/4 tât lơ 13/4, Rmôt kan hĭ hăn uănh nau ƀư săch kan bah ăp gưl nkuăl, gưl xã ndrel Rnâng kan Mặt trận tâm nkuăl ƀon lan gŭ bah nkuăl Cư M’gar, Ea Kar, Krông Ana ndrel Ea H’Leo.

Nkô̆ nau mêt uănh geh: Uănh nau ƀư nau kan tĭng kơt Luật săch kan, nau ndâk ndrel pah kan bah Uỷ ban săch kan, ăp rmôt ƀư nau kan săch kan, nau rgop ƀư sŏk nau rgop mbơh bah cử tri ntŭk gŭ đah nŭih ân geh săch. Tâm rơh tât, Uỷ ban MTTQ Việt Nam n’gor Dak Lak nchrăp ntrŭnh 2 tŏ hăn mêt uănh mpeh nau nchih lir moh săk cử tri ndrel nau nchrăp thùng phiếu, lir moh săk nŭih geh săch ndrel rklaih săm ƀŭt phong dôih. Rơh mêt uănh geh ntơm lơ 15/4 tât lơ 30/4/2021./.

Nŭih rblang: H’Thi