VOV4.M’nông: Jêh âk khay kan [ư mbrơi jêh, yor geh nau khuch bah srê ji Covid-19, ntu\k Trạm biến áp 110 KV Krông Năng dôl geh nkra ngăch ndal nau kan, nsôih ân jêh ndrel ma geh nglăp điện tâm khay 10 aơ. Yơn lah, nau kan koh điện kơl an nau ê nkra ntu\k aơ mra geh [ư roh điện tâm âk ntu\k tâm 4 nar tât tâm nkuăl Krông Năng, Ea Kar, Krông Păk, Mdrak bah n’gor Dak Lak.

Bôk nau kan Trạm biến áp 110 Kv Krông Năng geh dơi ndâk tâm [on Jun, xã Dlieya, nkuăl Krông Năng, n’gor Dak Lak, geh nau dăng lah du máy biến áp, 16,5km trong rse 110 Kv ndrel rlau 10 km trong rse 22Kv. Rnoh ntoh kơl bah bôk nau kan lah 144 rmen.

Ntrong aơ geh ndâk ntơm khay 3 năm 2019. Tât rnôk aơ, ăp rmôt kan ê nkkra ho\ jêh ăp nau kan ndâk nkre ndrel ma nau kan dăch du\t tâm trong rse điện. Wa Nguyễn Thanh Quảng-Kruanh jrâu mât nau ê nkra trong kan, Rnâng kan Mât bôk nau kan nkra điện miền Trung ân git:

‘ Yor rơh rlau aơ srê ji Covid-19 ntoh luh 2 rơh yor ri ma nau kan pă loih bah Ngih ntuh kơl Thành Long geh mbrơi. Ndrel rnôk aơ ri rnoh nu\ih pah kan dôl ma rgum ân ăp ntu\k pă điện 500 rơh tal 3 ndrel ăp ntu\k pă điện mặt nar tâm lam dak…Yor ri ma phung hên ko\ jêr ngăn nau rgum nu\ih kan. Yơn lah, công ty ê nkra điện 4 ho\ nsôih rgum rmôt gay ma nkra ân jêh nau kan aơ”.

Gay ma kơl an nau pă điện ân trong điện Trạm 110 Kv Krông Năng jêh tâm khay 10 aơ, Điện lực Dak Lak ho\ nsôih koh điện rơh 3. Nar geh koh điện tâm ăp lơ 27/9, 4/10 ndrel du nar nchrăp tâm nar pơh tâm du\t khay 10. Tâm ăp nar nê mra geh roh điện tâm ăp nkuăl Krông Năng, Ea Kar, Krông Pak, Mdrak, nkra ân nsru\ng nau nkra ngih máy thuỷ điện Krông H’Năng, ngih mát điện mặt nar Buôn Ma Thuột.

Gay [on lan, ntu\k kan bah ăp nkuăl Ea Kar, Krông Pak, Mdrak, Krông Năng yu\ kơl an ndrel nchrăp dăp rgum ăp nau kan ê nkra tuch tăm, rêh jêng, ntu\k kan điện tam grop nsum đah rnâng kan bah nkuăl n’hao nau mbơh nsum mpeh nau koh điện tâm ăp nar tât. Wa Nguyễn Ngọc Hải-Groi Kruanh Jrâu kan kỹ thuật, điện lực Ea Kar, ân gi\t, ăp nar koh điện lah rơh gay ăp rmôt ê nkra uănh nâp nau săk tam n’hao prêh nau pă điện:

‘ Ndăn nau koh điện tâm trạm biến áp 110 kv Ea Kar-Krông Năng ri phung hên tâm boh rgop nsum tâm ăp trong điện, tâm rgop nsum đah ăp rmôt kan băl gay ma rgum rklaih ăp nau hôm nkol tâm trong điện, gay ma n’hao nau săk nâp bah nau pă điện ko\ kơt lah nau đăp mpăn trong điện bah kơi tă”./.

Nu\ih rblang: H’Thi