VOV4. M’nông: UBND n'gor Dak Lak ƀư tâm nchră n'glôch jêh pah kan năm 2020, an ƀư nău kan năm 2021 bah Ƀan rđău đă njrăng n'gang nuĭh tih, tih djơh tâm nău rêh n'hanh rdâk njêng trong leo ƀư Lam ƀon lan mât rnă njrăng neh dak n'gor. Tĭng nău mbơh ta rnôk tâm nchră, năm 2020, nô nău đăp mpăn rnă njrăng chính trị ta n'gor dơi mât nâp tay. Nuĭh tih mpeh đăp mpăn lam rêh jêng kon nuĭh dơi kân hŭch bah; nuĭh tih mpeh ma tuý dơi ban saơ âk lơn; tâm tom ndeh hŭch lĕ 3 rnoh. Ta rnôk tâm nchră, UBND n'gor đă tâm let năp tay, ăp nhih pah kan, đơn vị, ăp nkuâl an ƀư tay jăp, geh nău tam ăp nău ntrŭnh, nghị quyết bah Đảng, trong nchrăp bah n'gor mpeh pah kan njrăng n'gang nuĭh tih, njrăng n'gang ma tuý, rdâk njêng trong leo ƀư Lam ƀon lan mât rnă njrăng neh dak; rgum rđău đă, an ƀư ăp trong nkra, mât njrăng đăp mpăn tâm pah kan bầu cử Đại biểu Quốc hội khoá XV n'hanh đại biểu HĐND ăp gưl năm kan 2021-2026./.

Nuĭh rblang: Điểu Thân