VOV4. M’nông: Nar 26/3, ta nkual ƀon têh Buôn Ma Thuột, UBND n'gor Dak Lak ƀư Tâm nchră “Rgâl mbrô - Trong rƀŏng khlay bah nău hun hao”, đah nău tât râng bah 500 nuĭh ntơh măt tât bah ăp n'gâng kan Trung ương n'hanh ăp n'gor nkual Miền Trung, Tây Nguyên, kruanh rđău kan ăp nhih pah kan ta n'gor n'hanh âk mpưm doanh nghiệp, hợp tác xã...tâm n'hanh bah dih n'gor Dak Lak.

Tâm nchră lĕ ma du rơh rgum lam lĕ rngôch n'hanh 2 rơh way nkô̆, wăr ăp nkô̆: Rgâl mbrô an n'gâng kan; Rgâl mbrô an doanh nghiệp n'hanh Trong nkra ndơ̆ rgâl tâm boh lam rêh jêng kon nuĭh nsing ta jâng mbrô. Lah ta rnôk rđău đă tâm nchră, wa Nguyễn Huy Dũng, Thứ trưởng Bộ thông tin n'hanh truyền thông, nkoch kloh ăp nău dơh uĕh ma công nghệ mbrô njêng luh đah nău hun hao wăng sa rêh jêng kon nuĭh, lơn lah tâm rnôk nuh srê Covid-19 tât krit nji mhe aơ. Păng mĭn lah, ŭch rgâl mbrô geh nău dơi bah meng nsrôih bah nuĭh mât bôk kan ân geh nău tât nsum ti du nuih n'hâm bah lĕ ma mpôl doanh nghiệp đŏng./.

Nuĭh rblang: Điểu Thân