VOV4.M’nông – Gay geh nău rƀŏng 30% nuĭh bu ur dơi săch jêng nuĭh ntoh măt an HĐND ăp gưl, Hội liên hiệp bu ur n’gor Dak Lak lĕ ƀư rƀŭn nchră tiăr nti n’hao nău blău an bu ur dơi săch rơh bôk năp râng săch ntoh măt an HĐND ăp gưl năm kan 2021-2026. Ăp nuĭh ntoh măt râng rƀŭn nchră dơi tiăr nti ăp chuyên đề mpeh nkoch gưl kan, nău kan, nău dơi bah HĐND n’hanh nuĭh ntoh măt HHND; du đêt nău mpeh wăng sa-rêh jêng, văn hóa bah n’gor năm kan 2016-2021, trong rƀŏng nău kan 2021-2026.

Lam ntŭk rƀŭn

Ntĭm nău blău ntop kơl rgŏ jă săch, trong nkoch bôk nău kan bah nuĭh ntoh măt HĐND. Tĭng Hội liên hiệp bu ur Việt Nam n’gor Dak Lak, gay nchrăp an rơh săch nuĭh ntoh măt Quốc hội khóa 15 n’hanh nuĭh ntoh măt an HĐND ăp gưl n’gor Dak Lak năm kan 2021-2026, n’gor mbra ƀư 4 jrô tiăr nti ta ăp nkuăl Krông Ân, Ea Hleo n’hanh nkual ƀon têh Buôn Ma Thuột, an rlău 300 bu ur rơh bôk năp râng nuĭh dơi săch ntoh măt an HĐND ăp gưl.

Nŭih rblang: Y Sưng Phê Ja