VOV4. M’nông: Tĭng ƀư bôk nău kan ăp xã 1 ntil ndơ geh ƀư tuch tăm (OCOP), tât aƀaơ Dak Nông hŏ geh 36 ntil ndơ geh ƀư tuch tăm dơi kơp dơn OCOP ntơm bah 3- 4 sao. Na nê̆, n'gor Dak Nông hŏ ƀư 2 tơ̆ dăp rgum OCOP ăp ntil ndơ geh ƀư tuch tăm. Rơh bôk năp geh 22 ntil ndơ geh ƀư tuch tăm dơi dăp rgum. Rơh 2 geh 14 ntil ndơ geh ƀư tuch tăm dơi dăp rgum. Ăp ntil ndơ geh ƀư dơi UBND n'gor pă an si ƀŭt kơp dơn OCOP dơi dŏng ntô lĭr n'hanh dâk gưl sao gay in, lĭr bah lơ ntô. Aơ lah du njuat uănh năl khlay, kơl ndơ geh ƀư tuch tăm dơi đăp mpăn săk uĕh, săk ntô, rsôp nklâm n'hanh n'hao nău dơi tâm rlong kalơ ntŭk tăch rgâl. Nău dăp gưl OCOP hŏ rgop mât uĕh ăp ndơ geh ƀư tuch tăm săk geh âk bah n'gor, ntrŭt ntrôl tuch tăm mât rong tĭng di rêng rnoh khlay./.

Nuĭh rblang: Điểu Thân