VOV4.Mnông – Jêh khay ƀư tâm ƀah kon nuĭh njrăng n’gang srê Covid-19, N’gor Dak Nông lĕ an pơk tay ăp nău ƀư âk nuĭh, kơt lễ hôị, nău ƀư văn hoá, thể dục thể thao. Ndrel đah nĕ đă ƀư tĭng rjăp ăp trong njrăng n’gang srê, rdâng tam ăp nu nău mhe ntoh. Tĭng UBND n’gor Dak Nông, nău an pơk tay ăp lễ hôị, văn hoá, thể dục thể thao, nău ƀư geh rgum âk nuĭh lah yor Covid-19 ta ăp ntŭk dơi uănh nđôi. Gay đăp mpăn njrăng n’gang srê, UBND n’gor Dak Nông đă nău kan pâl nđaih nkre ƀư ăp bôk nău kan ntrŭt pâl nđaih, nkre ƀư njrăng n’gang srê Covid-19. Rlău ma nĕ, Dak Nông đă nuĭh ƀon lan mât nău wăn bôk put mbung rnôk luh bah dih, ta ntŭk âk nuĭh n’hanh ta ndeh hăn nsum; ƀa ƀơ rao ty đah xa ƀư mô lah dak rao kaman, mât tâm ƀah lĕ rngôch rnôk mâp.

          Nuĭh rblang: Y Sưng Phê Ja