VOV4.M’nông: Nau rgŏ jă “Hăn ndrel ma bu ur nkuăl n’har bri” lvang 2021-2025 geh Rmôt kan bu ur n’gor Dak Nông ndrel N’gâng kan rđau tahen Biên phòng n’gor tâm rgop nsum đah ăp ntŭk kan tâm ôi lơ 31/3, ta xã Thuận Hạnh (Dak Song). Ƀư bôk nau kan aơ tâm lvang năm 2018-2020, rmôt bu ur n’gor ndrel tahen biên phòng n’gor hŏ ntrŭnh âk nau kan mât chăm n’hâm soan, rnă njrăng nau rêh, kơl an jut n’huch ach o, hun hao nau kan văng sa ân rmôt kan ăp rnoi mpôl nkuăl n’har. Ăp rmôt kan hŏ tâm rgop ƀư 30 nar nkoch trêng mbơh ntĭm pháp luật, ndơn mât bôk ndrel ƀư bôk nau kan “Kơl an kon se hăn nti”…Ntoh nau ta nar rƀŭn, wa H’Vi Êban, Kruanh Rmôt kan bu ur n’gor Dak Nông kuăl jă ăp rmôt cán bộ, nŭih kan, bu ur lŏ mât nau kan ndrel ƀư nau kan ndâk ăp nau kan kơl an nâp nâl ân bu ur ach o tâm xã nkuăl n’har bri./.

Nŭih rblang: H’Thi