VOV4.M’nông – Ôi nđaơ, 17/3 Ủy ban MTTQ Việt Nam n’gor Dak Nông ƀư Rƀŭn nchră hiệp thương rơh 2 gay tâm nchră sam ƀŭt săk nuĭh lor ăp nuĭh dơi săch Đại biểu Quốc hội khóa 15 n’hanh HĐND năm kan 2021-2026. Ta rƀŭn nchrăp hiệp thương rơh 2, ăp đại biểu tâm nchră mbơh an săk nuĭh, lý lịch mbơh bah ăp nuĭh dơi săch n’hanh dăn săch êng Đại biểu Quốc hội khóa 15 n’hanh đại biểu HĐND n’gor năm kan 2021-2026.

Dak Nông-Hiệp thương

Đah nuĭh dơi săch HĐND n’gor, năm kan 2021-2026, rƀŭn nchră lĕ tâm ban ŭch ƀư sam ƀŭt nchih 96 nuĭh dơi săch (21 nuĭh rnoi mpôl đêt, 3 nuĭh chroh, 10 nuĭh bah dih Đảng, 36 nuĭh druh ndăm, 31 nuĭh dơi săch tay). Ta rƀŭn nchră Ủy ban MTTQ n’gor Dak Nông lĕ ntĭm rƀŭn nchrăp mâp nuĭh ƀon lan ta ntŭk gŭ đah nuĭh dơi săch đại biểu Quốc hội n’hanh Đại biểu HĐND n’gor, năm kan 2021-2026. Tĭng nău ntrŭnh, nău ƀư mbra ntơm dơi ƀư bah nả 21/3 tât 13/4.

Nŭih rblang: Y Sưng Phê Ja