VOV4.M’nông – Ủy ban săch n’gor Dak Nông lĕ geh sam ƀŭt mbơh mrô 69 njuăl an Hội đồng săch ngih dak mpeh nău đă ƀư săch ơm đại biểu Quốc hội khóa 15 n’hanh đại biểu HĐND ăp gưl năm kan 2021-2026 ơm du nar nkôp đah nău ntrŭnh ta du đêt ntŭk kan n’har bri. Tĭng Ủy ban săch n’gor Dak Nông, rnôk bah năp ta trong n’har bri Việt Nam-Campuchia geh âk nău jêr jŏt mpeh nu nău srê Covid-19. Aƀaơ cán bộ, tahen n’har bri n’gor Dak Nông dôl rgum ƀư nău kan nsum, nkre mât njrăng n’har bri nkre njrăng n’gang srê Covid-19. Tĭng Điều 72, Luật săch đại biểu Quốc hội n’hanh HĐND, gay mât njrăng nâp nâl ƀư tơm rnă njrăng n’har bri ngih dak n’hanh njrăng n’gang srê Covid-19, Ủy ban săch n’gor Dak Nông đă Hội đồng săch ngih dak an săch ơm 1 nar ta 12 pôih tahen n’har bri n’hanh Tiểu đoàn tiăr nti Cơ động 19 (N’gâng kan ntĭm rđau Tahen n’har bri n’gor).

Nuĭh rblang: Y Sưng Phê Ja