VOV4. M’nông: Nar 9/4, UBND n'gor Dak Nông ƀư rơh hop gay djăt nău mbơh n'hanh nchră trong droh rklaih jêr jŏt, kŏ kol tâm nău kan pâl nđaih ntoh êng ta nkual Tà Đùng (Dak Glong). Nkual Tà Đùng lah du ntŭk drăp ndơ ơm yău ntlơi an tay mpeh Công viên địa chất lam ntŭr neh UNESCO Dak Nông. Ntŭk dja geh bri dak uĕh măt uănh, dơi âk nuĭh ntuh kơl n'hanh năch pâl nđaih uănh  khlay, rnoh âk năch pâl nđaih tât hăn uănh pâl mô rlu hao âk. Ăp ntŭk tăch rgâl aƀaơ ta Tà Đùng lơn âk lah huêt jê̆ nchah nchrai kơt hăn uănh pâl, manh bĭch rlu măng, ngêt sa… Ntŭk manh bĭch rlu lơn âk lah ăp jrô bĭch nkưp nde, chuanh ntrŭp, ntưm ma lha baih jê̆, ndơ ntrŭp dŏng hôm đêt. Lah n'glôch jêh rơh hop, wa Nguyễn Đình Trung – Kruanh UBND n'gor Dak Nông an lah, tâm bah ri aơ nơh, Tà Đùng dơi gĭt tât lah ntŭk bri dak uĕh măt uănh. Yơn lah, nău rgâl, mât dŏng nău kan pâl nđaih ta aơ mô hŏ đăp mpăn di tĭng nău way. Jêng, n'gâng kan ta ntŭk, ăp n'gâng kan dơi kan ân n'hao dăng pah kan mât uănh mpeh neh ntu, rdâk njêng, đăp mpăn rnă njrăng dăp rgum uĕh./.

Nuĭh rblang: Điểu Thân