VOV4.Mnông – Tĭng rnâng kan Ủy ban MTTQ n’gor Dak Nông, tâm săk nuĭh bôk năp 96 nuĭh dơi nkoch dơi săch đại biểu HĐND n’gor khóa 4, năm kan 2021-2026 geh 36 nuĭh lah đại biểu HĐND n’gor khóa 3; geh 42 nuĭh lah bu ur, 36 nuĭh druh ndăm; 21 nĭh lah rnoi mpôl đêt, 10 nuĭh bah dih đảng, 10 nuĭh ăp kon chroh. Lĕ rngôch ăp rnoh mhe nkoch rlău gâl rhiăng đah nău đă, n’hanh lĕ rngôch ăp nuĭh dơi nkoch dơi săch tŏng ăp tâm di gay săch đại biểu HĐND n’gor khóa 4, năm kan 2021-2026. Tât aƀaơ, lĕ rngôch 96 nuĭh dơi săch mô geh sam ƀŭt phong mô lah mbơh nău tih. Tĭng nău ntrŭnh, jêh rnôk geh săk bôk năp, Ủy ban MTTQ ăp ntŭk ƀư rƀŭn nchră mâp nuĭh ƀon lan ta ntŭk gŭ bah ăp nuĭh dơi săch. Lah nuĭh dơi săch mô geh rlău 50% phiếu nsing nơm bah nuĭh ƀon lan ntŭk gŭ mbra ntlơi jŭt săk.