VOV4.M’nông – N’gâng kan ndâk nkra Dak Nông ƀư tơm tâm rgop đah Công ty CP Tập đoàn T&T n’hanh kruanh UBND nkual ƀon têh Gia Nghĩa ƀư mbơh đồ án dăp rgum nkual pâl nđaih sinh thái n’glău Dak Rtih.

  Ê nkra dăp rgum nkaul pâl nđaih sinh thái n’glău Dak Rtih

Tĭng nĕ, Nău nchrăp ƀư nkual ƀon têh pâl nđaih sinh thái n’glău Dak Rtih geh rnoh neh rlău 1.715 ha geh gưl neh mpeh tâm ăp phường Quảng Thành, Nghĩa Phú, xă Dak Rmoan n’hanh gâl măt dak n’glău thủy điện Dak Rtih ta xă Dak Rmoan (TP. Gia Nghĩa). Nău nchrăp ƀư dơi pă tĭng 7 gưl nkual ndơ dŏng, ndơ ƀư ntŭk ntô dơi pă ta ăp ntŭk dơh uĕh đah trong hăn geh trong me têh nthoi ăp nkual ntŭk ƀư êng bah nkual têh. Rlău ma nĕ, nău nchrăp ƀư mbra jêng ăp ndơ ntung trong khlay, ăp nkual rlu rlău, ndơ ƀư dŏng nsum hăn ndrel đah ntŭk ntô uĕh nđir, geh âk nău uĕh ơm bah ƀon lan ăp rnoi mpôl đêt ta ntŭk.

Nŭih rblang: Y Sưng Phê Ja