VOV4.M’nông: Lơ 21/4, Uỷ ban săch kan n’gor Dak Nông hŏ ƀư nar rƀŭn tal 3 gay nchră nau nchrăp nau săch kan ntoh măt Quốc hội gưl XV ndrel ntơh măt HĐND ăp gưl năm kan 2021-2026. Tĭng Uỷ ban săch kan n’gor Dak Nông tât rnôk aơ, ăp nkuăl hŏ ntrŭnh jêh nau săch kan tĭng di nau ntrŭnh bah pháp luật. Mặt trận Tổ quốc ăp gưl hŏ ƀư rƀŭn nchră tal 3, nchih moh săk ăp nŭih geh săch tâm di rnoh, nŭih tĭng nau dơi ntrŭnh.

Nar rƀŭn nchră

Nsing tâm nau geh tâm nchră, lam n’gor geh 10 nŭih geh săch lăp kan Quốc hội gưl XV ndrel HĐND gưl n’gor lah 88 nŭih, HĐND gưl nkuăl lah 452 nŭih, HĐND gưl xã lah 2.960 nŭih. 680 rmôt kan tâm n’gor hŏ geh ƀư nchih moh săk lir tâm ăp ntŭk nklăch phiếu đah 410 rbăn 659 nŭih. Ta rơh rƀŭn, Uỷ ban săch kan n’gor Dak Nông hŏ tâm ban moh săk bah nŭih geh săch lăp kan tâm Quốc hội gưl XV ndrel ntơh mă HDND gưl n’gor năm kan 2021-2026 gay ma mbơh pă tât ăp rmôt ân geh săch./.

Nŭih rblang: H’Thi