VOV4.M’nông – Tât aƀaơ ta n’gor Dak Nông lĕ ndâk ƀư 680 rmôt săch đại biểu Quốc hội khóa 15 n’hanh đại biểu HĐND ăp gưl, năm kan 2021-2026, di nar ntrŭnh. Tĭng Ủy ban săch n’gor Dak Nông trong kan nchrăp an nar săch lĕ nchrăp. Aƀaơ UBND ăp nkuăl, nkual ƀon têh, xă, phường, nkuăl têh lĕ ndâk njêng 680 nkual nklach phiếu. Tâm nĕ, geh 21 rmôt săch lah nkual nklăch phiếu êng geh ăp pôih tahen n’har bri, du đêt ntŭk kan ta Công an n’gor, N’gâng kan ntĭm rđau tahen n’gor, Ntŭk ât hât rƀên gŭ ta n’gor. Du rmôt săch geh bah 11-21 nuĭh, geh kruanh rmôt, thư ký n’hanh ăp ủy viên ntoh măt ngih pah kan Ngih dak, rmôt kan chính trị, rmôt kan nău rêh jêng kon nuĭh, rmôt kan chính trị-rêh jêng n’hanh ntoh măt ƀon lan ta ntŭk. Ủy ban săch n’gor lĕ đă Hội đồng săch ngih dak an 13 rmôt săch ta 12 pôih tahen n’har bri n’hanh 1 Tiểu đoàn tiăr nti cơ động săch ơm lor 1 nar gay rhŏ pah kan.

Nŭih rblang: Y Sưng Phê Ja