VOV4.Mnông – Nar 28/4, Đại tá Nguyễn Văn Lư, Chỉ huy trưởng Kruanh ntĭm rđau Tahen n’har bri n’gor Dak Nông an gĭt, Pôih tahen n’har bri Đắk Tiên, nkuăl Dak Song mhe saơ nhŭp kân 2 hê rlet rlău n’har bri tih nău way rlău nkual n’har bri Việt Nam-Campuchia.

Dak Nông nhŭp kân 2 hê rlet rlău n’har bri mô tâm di hăn rlău nkual n’har bri

Nklăp 10 mông nar 27/4, ta n’gâng ntăm 52/3, tâm rnôk uănh nđôi mât njrăng nkual n’har bri, ăp tahen Pôih tahen n’har bri Đắk Tiên saơ 2 hê geh: Lê Văn Biều n’hanh Lê Sơn Điền gŭ du ntŭk ta xă Thuận Hạnh, nkuăl Dak Song dôl geh nău tih hăn rlău bah dih mô tâm di gay pănh nchron mpa bri. Tahen n’har bri lĕ ƀư sam ƀŭt n’hanh jao an ăp nuĭh an Ngih dak si nkuăl Dak Song ndơ̆ hăn nkhah êng 14 nar tĭnh nău ntrŭnh, nkre đă Công an nkuăl Đăk Song phong nău tih hình sự tĭnh nău ntrŭnh bah pháp luật.

Nuĭh rblang: Y Sưng Phê Ja