VOV4.M’nông: Lơ 6/4, Uỷ ban săch kan bah n’gor Dak Nông ƀư rƀŭn mbơh nau kan mpeh nau săch nŭih pah kan ntoh măt Quốc hội gưl XV ndrle ntoh măt HĐND ăp gưl, năk kan 2021-2026. Rơh rlau aơ, n’gor uỷ, Rnâng kan rđau nau săch kan bah n’gor Dak Nông, HĐND, UBND, UBMTTQ Việt Nam n’gor ndrel uỷ ban săch kan ngăn lah nau rđau kan, ƀư ăp nau kan nkô̆ nau nchrăp săch kan.

Tât rnôk aơ, n’gor hŏ jêh rđau, ƀư dơi ăp nkô̆ nau ntrŭnh tĭng pháp luật, ntĭm mbơh nau rđau kan bah gưl kan ba lơ ndrel tâm di đah nau dôl geh bah n’gor. Ăp nau jể, nau nkol mpeh nau nchrăp săch kan hŏ geh ăp ntŭk kan bah Trung ương, n’gor ntĭm, rklaih. Wa Trần Xuân Hải-Groi Kruanh UBND n’gor, Groi Kruanh Uỷ ban săch kan n’gor đă ăp ntoh măt râng nar rƀŭn ân geh kơl tâm nchră mbơh nau ân năn ân ăp gưl uỷ, n’gâng kan ăp gưl ndrel ntĭm ăp rmôt kan ƀư nau kan tĭng di nau ntrŭnh bah pháp luật./.

Nŭih rblang: H’Thi