VOV4.M’nông – Ôi nđaơ (19/3) ta ngih pah kan Chính phủ, Rnâng kan Ban ntĭm rđau ngih dak njrăng n’gang srê Covid-19 lĕ rgum tâm nchră mpeh ăp trong gay dơi ƀư “hộ chiếu vaccine” tâm rgŏ năp, rgop nta nih wơt nuĭh Việt Nam bah dak bâh dih sĭt dak nơm, tâm nĕ dăn đă trong mkra tâm rgop mbơh đah nu nău chuh vaccine Covid-19 bah nuĭh ƀon lan đah sam ƀŭt nuĭh ƀon lan lam dak. Đah nuĭh ƀon lan tâm dak, N’gâng kan dak si an gĭt, mbra an mã QR code an tĭng nuĭh lĕ chuh vaccine Covid-19 n’hanh rgum sam ƀŭt rhăch nău mât uănh săk soan nuĭh gay geh tŏng sa sam bŭt lah ŭch kơp dơn lĕ chuh rnôk hăn dak bah dih. Đah nău aơ, Groi thủ tướng Vũ Đức Đam nkoch kloh: Trong mkra bah Việt Nam lah mât uănh tă bah trong mât uănh sam ƀŭt rhoăch nău săk soan nuĭh ƀon lan, rgum ăp nău mbơh mpeh chuh n’hanh mbra tâm rgop đah ntŭk mât prăk sam ƀŭt nuĭh ƀon lan, nta nơih ngăn an nuĭh ƀon lan tâm nău chuh, uănh nđôi hăn nsong tâm nău geh srê bah kơi aơ du trong tâm ban ŭch n’hanh nơih.

Nŭih rblang: Y Sưng Phê Ja