VOV4.M’nông – Jêh kơp rlău 20% rnoh phiếu tâm rơh săch Hạ viện, jêng lah Duma Quốc gia Nga an saơ, Đảng dak Nga Thống Nhất dôl leo lor. Rơh săch lĕ lôch ta 9 mông, nar 19/9 tĭng mông Mát-xcơ-va, đah rnoh hăn nklăch phiếu kơp tât 6 mông geh rlău 45%. Tĭng Ủy ban săch Trung ương Nga, jêh mkra rlău 20% rnoh phiếu tâm rơh săch lăp Duma Quốc gia, Đảng dak Nga Thống Nhất dôl leo lor đah 42,92% phiếu săch, Đảng Cộng sản Liên bang Nga geh 23,04%, Đảng Dân chủ tự do-8,77%, “Dak Nga tâm ban-yor nău ngăn” đah 7,14%, “Ăp nuĭh mhe” dơi geh 6,87% phiếu săch. Tĭng Ủy ban săch Trung ương Nga, rơh săch lĕ ƀư đăp mpăn, mô geh nău mbơh mpeh nău tih. Kruanh Hội đồng Liên bang Nga Valentina Matvienko nsing nơm, ăp rơh săch mhe ƀư lĕ an saơ nău tam n’hanh săk rnglăy bah luật săch dak Nga. Tĭng wa, ăp rơh săch dơi ƀư ta Liên bang Nga ƀon lan ƀư tơm, kloh rah wah n’hanh tâm di.

Nuĭh rblang: Y Sưng Phê Ja