VOV4.M’nông: Gay n’hao nău dơi mât do\ng trong rse điện, Công ty điện lực Dak Lak dôl an [ư do\ng âk công nghệ mhe n’glăp mât do\ng têk điện. Aơ dơi uănh lah trong nkra ns^t tay nău tam tâm đăp mpăn mât trong rse điện tâm ăp rnôk mih nar.

            Ntơm bah khay 12/2016 Công ty Điện lực Dak Lak ho\ n’glăp do\ng Ntu\k rgum pet ăp trạm biến áp mô kâp nu^h chăm. Tât a[aơ, 9/10 trạm biến áp ho\ do\ng ndơ pet bah ngai ma trong máy tính. Bah ntu\k rgum pet, ăp nu^h mât do\ng mbra saơ nău tât khuch ma mô kâp hăn tât ntu\k, treng uănh ndơ ntru\p điện, nơm geh kơt nê|, trạm biến áp nchăt do\ng đăp mpăn lơn, hu\ch bah nău tât rmoh rmanh điện; hu\ch bah ir rgum âk nu^h hăn kan, ndeh rklư ndơ do\ng tâm rnôk nchuăt mât do\ng trong rse điện, rgop tâm nău do\ng geh nău tam tơm ndơ rgop bah lam rêh jêng kon nu^h…Lah nu^h pah kan na nê| ta ntu\k rgum pet, wa Lê Viết Khánh, nu^h kan ta jrô Điều Độ, Công ty Điện lực Dak Lak an g^t: Nu^h kan mât do\ng lam trong rse điện mô hôm kâp nchih mô lah mât prăp ma săk ăp rnoh nchih mbơh, hu\ch đêt roh mông nar pơk uănh mbrô nchuăt ta máy tính d^l, đăp mpăn geh nău dơi, khoa học rnôk rblang ăp rnoh nchih rgum geh, ntơm bah nê, ntop kơl ngăch pah kan tâm pă tâm ban lam trong rse.

            “Nău n’glăp ntu\k rgum pet Dak Lak lăp do\ng ri nău groi nđôi n’hanh pet nkra dơh ngăch lơn n’hanh lah ntu\k rgum tơm pet ri mbra dơi pet ta le\ rngôch ăp trạm biến áp 110 KV ta n’gor, [ư koh [ah ngai ndơ ntru\p trong rse bah dih gay ntru\p ndơ pet bah ngai ri ta ntu\k rgum mât koh pơk d^l nău dja hu\ch đêt nu^h hăn kan ta ăp trạm biến áp 110KV”

            Ndrel đah nău ndơ\ ăp trạm biến áp mô kâp nu^h chăm nchuăt do\ng, âk công nghệ mhe le\ dơi Công ty Điện lực Dak Lak n’glăp do\ng kơt: do\ng công nghệ ơm saơ geh ma nău tât khuch, do\ng nkra điện duh gay nkra ăp trong rse, trạm biến áp mô kâp koh n’hât điện, do\ng ntu\k rgum mât pet bah ngai gay n’hao nău tam kan bah n’gâng kan điện…Ntơm bah nê, đăp mpăn tâm pah kan mât do\ng trong rse điện n’hanh ns^t tay điện dăng an năch do\ng. wa Nguyễn Văn Hảo, Kruanh jrô kan tâm pă tâm ban, Công ty Điện lực Dak Lak lah rjăp:

            “Ntơm bah năm 2016 tât a[aơ, ndơ\ công nghệ nkra duh ta trong rse điện 220KV, jêng lah ntơm nơh du đêt nkô| nău kan ta trong rse điện ân koh điện ta trong rse điện ri công nhân mơ hao dơi kalơ n’gâng sre điện nkra ri a[aơ mpôl hên geh du rmôt pah kan mô kâp koh n’hât điện ma hôm nkra dơi kalơ trong rse điện đo\ng nău dja ho\ hu\ch đêt mông roh điện, n’hao dăng điện rho\ do\ng an năch do\ng”

T^ng wa Tạ Minh, Groi Giám đốc Kỹ thuật, Công ty Điện lực Dak Lak, nău do\ng công nghệ mhe mât n’hanh nchuăt do\ng trong rse điện dơi uănh lah trong nkra geh nău tam tâm mât đăp mpăn lam trong rse điện. Công ty dôl gu\ m^n n’glăp do\ng pil măt nar rho\ do\ng pă điện do\ng êng ta ăp trạm biến áp, gu\ m^n do\ng FLYCAM gay hăn treng uănh trong rse mô lah trong rgâl nkra, têk mhe trong rse leo tât ăp trong rse 110kV, trung áp, hạ áp dôl mât do\ng mô koh điện…Nkre nt^m nti nu^h rnâng kan mpeh mât nkra máy biến áp; mpeh rêng pet mât rgum tâm lăp nsum…

“N’gâng kan điện lah nsum n’hanh công ty điện lực Dak Lak lah êng tâm let năp tay mpôl hên hôm ntrôl dăng ăp nău kan do\ng công nghệ mhe tâm mât do\ng trong rse điện gay ns^t tay nău dơi tam du\t âk, do\ng đăp mpăn du\t âk, du\t nsing nơm an năch do\ng”

Nău công ty điện Dak Lak do\ng ăp ndơ ntru\p, công nghệ mhe tâm pah kan mât do\ng, mât njrăng trong rse điện mô dơn to\ng đah trong r[o\ng bah rơh cách mạng 4.0, ma hôm t^ng [ư rgop khlay gay trong rse điện nchuăt mbro đăp mpăn an ăp nău kan wa\ng sa, chính trị, rêh jêng kon nu^h, rnă njrăng, njrăng n’gang neh dak ta n’gor./.

Nu^h nchih rblang: Điểu Thân