VOV4.M’nông – Rnoh nuĭh ntưp Covid-19 ta Đông Âu nar nđaơ rlău 20 rkeh tâm rnôk nkual dôl rdâng rơh ntoh chôt srê hô ngăn n’hanh ăp nău nsrôih chuh geh mbơi tay. Ăp dak tâm nkual geh rnoh chuh vaccine njrăng n’gang Covid-19 đêt ngăn ta châu Âu, đah mô hŏ tât n’gul rnoh nuĭh dơi chuh đêt ngăn 1 nglay. Kơp lah bah Tơm nău mhe (Reuters, Anh) an saơ, Hung-ga-ri aƀaơ leo bôk năp mpeh rnoh chuh ta Đông Âu, đah 62% rnoh nuĭh dơi chu đêt ngăn du nglay, tam rnôk rnoh aơ mô hŏ tât 20% ta Ucraina. Rnoh nuĭh ntưp mhe ta nkual hao n’hanh aƀaơ rĭng geh rlău 83 rbăn 700 nuĭh ntưp mhe du nar, âk ngăn kơp bah khay 11 năm e. Bôl knŭng geh 4% rnoh nuĭh lam ntŭ neh, yơn Đông Âu geh tât 1/5 rnoh nuĭh ntưp mhe ta lam ntŭr neh. 3 tâm 5 dak kơp dơn rnoh nuĭh khĭt âk ngăn ta lam ntŭr neh lah ta Đông Âu, tâm nĕ geh Nga, Ucraina n’hanh Ru-ma-ni.

Nŭih rblang: Y Sưng Phê Ja