VOV4. M’nông: Kêng măng 25/3, ta Tâm nchră rgop nău bôk nău kan tĭng ƀư nghị quyết Đại hội Đảng lam dak tâl 13 mpeh pah kan rgŏ jă, ăp đại biểu dăn đă ân n'hao dăng ndơ̆ rgâl mbrô tâm pah kan rgŏ jă. Ngoăy tât ăp rnoh tât kan bah Bôk nău kan mpeh pah kan rgŏ jă tâm let năp tay lah rgum mbơh jru hvi, nkoch trêng Nghị quyết Đại hội 13 bah Đảng mpeh mât uĕh suan dăng tâm rnglăp lam rnoi nuĭh, geh nău tâm ban tâm nău rêh xã hội chủ nghĩa n'hanh nău dơi ƀư tơm bah nuĭh ƀon lan. Rgum tơm lah  tĭng ƀư di ngăn, geh nău tam geh nău tâm ban na nê̆, geh nău tâm ban ntơh măt, lơn lah geh nău tâm ban tâm dâng. Ta tâm nchră, ăp đại biểu mĭn lah nhih pah kan, mpôl kan tâm lam trong kan chính trị ân nta trong dơh an nuĭh ƀon lan râng lam hvi tâm rnôk n'glêh an trong kơl, n'hao dăng nău khlay ƀư tơm groi nđôi gưl têh nău tĭng ƀư ăp trong kơl, pháp luật n'hanh nkra ăp nău dăn đă bah nuĭh ƀon lan./.

Nuĭh rblang: Điểu Thân